من طرف ميرو الإثنين يناير 25, 2010 3:42 amالسلام عليكم
جبتلكم اخر الاخبار باركو يا جماعه هيغيرو العلم المصري
فكرت حضرتك في شكل 'عَـلم مصر' الجديد؟!!
تحب سيادتك ألوانه تكون فاتحة .. غامقة؟!! .. والفاتح أو الغامق يبقي إيه؟!!.
أسود؟!!.. الأسود تقليدي.. أبيض؟!!.. الأبيض قديم.
أحمر؟!!.. البلد فيها دراويش والدنيا مش أهلي وزمالك.
إيه رأيك في اللون 'الروز'؟.. روش مش كده؟.. 'البصلي' أحلي؟!!.
طيب والفوشيا.. مش يبقي دندشة؟!.
إوعي تكون مش متابع الدعوة التي أطلقها ناشطون مهتمون بالعَلم المصري علي 'الفيس بوك' يطالبون فيها بتغيير علم مصر ليتناسب مع المرحلة الجديدة؟!!،
وهي الحملة التي تلقي رواجا هذه الأيام.يبدو إن حضرتك من اخواننا البُـعَدا اللي بيفكروا في رغيف العيش وطوابيره، والقمح الفاسد وأضراره، وتذكرة المترو وزحمة المواصلات.
أو شكلك كده من العواطلية بتوع العشوائيات اللي شاغلين نفسهم بكلام فارغ.. شقة ووظيفة وعروسة وعيال!!.. اللي مش عاجبهم العجب.. وكل يوم يقولوا الأسعار وغلاء المعيشة والمرتبات والكادر.. والجنيه بالنسبة لهم هو كل شيء.
اسمح لي بقي إنت إنسان مادي.. نظرتك للأمور ضيقة.. وعزيمتك رخوة.. وإيمانك ضعيف.. ومش منفتح علي العالم الآخر.. ولا تؤمن بطبيعة المرحلة.
أو يمكن حضرتك من الجماعة الحنجورية اللي صدعوا دماغنا بكلام عن الفساد والعدالة الاجتماعية والرأسمالية الوطنية والانتخابات الرئاسية.. والضريبة العقارية!!.
فكر شوية.. يمكن العَلم الجديد يبقي وش السعد علينا.. مين عارف؟.
وبعدين العلم المصري اتغير كذا مرة قبل كده.. مرة تحول من الأحمر إلي الأخضر بعد استقلال مصر شكليا عن الدولة العثمانية.. واتغير إلي أحمر وأبيض وأسود بعد أن تحولت مصر من الملكية إلي جمهورية سنة 1954.. يعني المسألة مش افتكاسة.. ولها جذور تاريخية.
هو النسر بس رمز القوة.. إيه الكلام القديم ده؟!!. عندك الدولار واليورو.. 'الميج' والــ 'إف ٦١'.. بلاش.. عايز رمز شعبي.. ممكن العصاية والمطوة والسنجة.. وكلها ترمز بوضوح إلي القوة.
يعني لازم مناسبة؟!!.. من غير مناسبة!!.
لازم تقوم ثورة علشان نغير العَلم؟!!.
الثورة قامت يا سيدي وحضرتك مشغول أمام الفضائيات.. مش شايف الدنيا اتغيرت ازاي؟!!.. انظر حولك.. الباشوات رجعوا تاني، والجهل والفقر والمرض كمان.. وكلها كام شهر وترجع الملكية.
مش ملاحظ إرهاصات المرحلة الجديدة.. مسلسل فاروق والملكة فريدة.. والأدبيات التي تنعي الملكية وتتحسر علي عصرها السعيد؟.
عايز انتصار تاريخي؟.. علي فكرة بقي حرب أكتوبر آخر الحروب.. والسلام هو خيارنا الاستراتيجي.. هنقعد كده بالعَـلم القديم؟!!.
وبعدين هو الانتصار في الحروب بس؟!!.
الانتصارات كتير والحمد لله، لكن انت مش واخد بالك!!.. خد عندك مثلا: مصر تجاوزت نكسة الخروج من تصفيات كأس العالم وحققت الانتصار في أنجولا، ووصلت للدور ربع النهائي في كأس الأمم الأفريقية وبــ'9' نقط.. هيحصل إيه تاني أهم من كده؟!!.
خليك فريش.. إحنا في رحلة.
زميلي المواطن.. بصراحة كدة لازم تكون إيجابي وتشارك في التغيير.. ويبقي لك دور في صناعة تاريخ بلدك.. وزي ما فيه أجيال قاومت الاستعمار وجيل قام بالثورة.. وجيل انتصر في حرب ٣٧.. ضروري نعمل حاجة ونغير العَلم.. الألوان كتير مش أحمر وأبيض وأسود بس.. ولازم الأجيال الجديدة تؤمن بذلك.. وإلا ستظل أمتنا في مؤخرة الأمم.
وأعتقد أنه في هذا الإطار وبعد الاستقرار علي اللون، ينبغي أن يتم اختيار الشعار بدقة علي أن يكون شعارًا جماهيريا، يحظي بقبول المواطنين علي اختلاف توجهاتهم السياسية وانتماءاتهم الاجتماعية ومشاربهم الفكرية .. وهنا لن نجد أفضل من الساحرة المستديرة.. كرة القدم.. بشكلها الدائري المحبب إلي القلوب.. والتي تحظي بحب واحترام الجميع.
وذلك في حقيقة الأمر لسببين: أولهما - أن كل انتصاراتنا بعد انتصار أكتوبر انتصارات كروية.
وثانيهما - اختيار شعار آخر سيفتح الطريق أمام تيارات أخري لها مصالحها الخاصة.. فالمنادون بفرعونية مصر سيختارون بالطبع الهرم الأكبر، أما أقباط المهجر فسيطالبون بوضع الصليب.. وهنا ستدخل علي الخط الجماعات الإسلامية المتشددة وتطالب برمز إسلامي وسيكون الهلال علي الأرجح.
أما الفقراء فسيرفعون رغيف العيش مطالبين بوضعه علي العَلم وفي مكان متميز.. وفي المقابل سيلوح رجال الأعمال بالدولار.. وهكذا.
لكن كرة القدم ستحسم الأمر تماما وبقوة.. وسيلتف حولها أبناء الشعب المصري بكل فئاته: أطفاله وشيوخه.. مسلميه ومسيحييه.. رجال الأعمال والشحاتين.
من الاسبوع اون لاين
شاااااااااااااو
ميرووووووووووووو
» ضع اعلانك مجانا لفتره محدوده
» للمجانين بس العاقل ميدخلش
» حاولت ان اعود اليك
» اميرة الجنوب بدها ترحييييييييييييييب شديد
» اثنا وعشرين سؤلا من قسيس لمسلم وسؤال واحد من المسلم
» ABC 4' KIDS Workshop
» هاااااااام جدا
» ...عندما تألمت من حياتي تعلــــــــــــمت ....؟